بعطيك كرت أحمر علشانك أخطيت

بعطيك كرت آحمر عشانك اخطيت[size=18]
ملعب حياتي فارقه وأنت مطرود

وبنهي معك لعبة عذاب وتناهيت
لعبة عنى وكذوب وطعون وصدود

حاولت أعذرك لاكن بعذرك أبطيت
ونشدت عنك ولاوصل منك منشود

أنا بنيت البيت وتهدّم البيت
وقابلت طيبي ياأريش العين بجحود

من أول أنت بقمة القلب عدّيت
مفروش لك قلبي بساتين و ورود

ولك قصر في صدري بوسطه تربيت
وظلوع صدري كلّها لجلك جنود

وفي داخل عروقي مشيت وتمشّيت
تمشي على كيفك بدون أيّة قيود

واليوم من عرش المحبه تهاويت
ومانك على طيحتك ياصاح محسود

خلاص من عالي سمانا تدانيت
وحظٍ جمعني فيك لا شك مقرود

وماعاد ينفع قول يمكن وياليت
وصلتنا ياصاحبي درب مسدود

لاهنت ياقلبٍ تعبت وتعنيت
وش حيلتي دامك بالأحزان موعود

واليوم دام إنك علينا تغلّيت
وماعاد صرت تشوفنا شيّ موجود

بذكّرك في شيّ دامك تناسيت
ترا مصيرك يوم في مرتع الدود[/size]

إختيار رائع و موفق يالغلا

تقبلي مروري

موضوع في قمة الروعة

تقبلي مروري

يسلموا قمه الذوق

مشكوورين ع المروور

لآعدمنآآ طلتكم
نوووووووووووووووووووووووووووووووووورتوووووا :ضضحك

: